ZAPATOS E SANDALIAS PARA GRADUACIÓN, VODA E EVENTOS.
Imos deixarvos neste post algunhas propostas dentro da nosa colección que se suman ás que xa imos ensinando nas diferentes redes sociais de Moksín, Facebook, Instagram, Pinterest...
Unha opción moi actual é este conxunto formado pola sandalia Schutz e a carteira de vestir imitando a cuncha. A sandalia de Schutz mestura o tan explotado estilo boho chic ata o momento pero cunha imaxe moito máis sofisticada debido ao nivel de acabados e materiais que utilizan para a súa fabricación. O ton branco e o tecido acabado en fío xunto ao seu tacón ancho forrado en pel fan desta sandalia unha das máis sofisticadas esta tempada dentro da colección que Moksín presenta para esta primavera verán. En canto á carteira non temos moito que dicir, é un básico seguro para o futuro do noso armario, xa que este tipo de carteiras nunca pasan de moda.
Pensando en zapatos para graduación sempre podemos pensar nalgún modelo versátil en canto a comodidade e que funcione de comodín unha vez pasada a graduación xa que nesta época tan dominada polas zapatillas non todas as mozas usan tacóns a diario xa sexan altos ou máis baixos. E como non, o comodín que vos presentamos non é máis que un zapato corte salón pero non un calquera, senón este salón de Lei é con tacón ancho imitando a mármore e con forma en punta. Por suposto fabricado na cor estrela da xente mais nova, o negro. Aínda que non aparecen neste post poderedes atopar máis opcións deste salón de Lei é nas nosas tendas con acabados en tacóns metal e cores nude e xeo.
Xa que cando falamos de buscar zapatos ou sandalias para vodas, zapatos ou sandalias para graduación ou para calquera outro evento sempre nos veñen á cabeza tacóns altos. Hoxe en día xa non sempre é así, moitas mozas xa non renuncian á comodidade e por iso imos darvos tres opcións de tacóns medios que sentiredes coma se forades totalmente en plano e aínda así non perderedes o glamour das que levan os tacóns máis altos.
O primeiro deles é esta sandalia de Ezzio fabricada en exclusiva esta campaña de primavera verán para Moksín. Partindo dun tacón ancho imitando á pata de elefante que como falabamos antes é unha das tendencias máis fortes esta campaña, e utilizando un material de tecido con acabado brillo que en función da luz adáptase á gran maioría das cores conseguimos unha sandalia moi versátil para calquera tipo de look e coa que sacaredes o maior partido para todos os vosos eventos, ademais de ir moi cómodas debido ao seu tacón medio. Ademais do cor prata que se presenta na foto tamén tedes opción de cor negra e cor ouro.
A segunda opción de tacón medio é esta sandalia de Schutz en cor prata imitando ao acabado trenzado de corda pero fabricado en pel de espello. Poderedes levar unha sandalia básica á vosa graduación ou festa pero co toque do material que a transforma nunha opción moi orixinal e diferente.
Como terceira e última opción deixámosvos esta opción moi mínimal de Lei é, pel mate negra cruzada no peito do pé e tacón en cor branca con acabado brillo. Os adxectivos para esta sandalia quédansenos curtos xa que é definitivamente a sandalia para todo, sandalia para cañas coas amigas, sandalia para voda, sandalia para graduación... e aínda encima con estética vintage. Pódese pedir algo máis?
Estas son só algunhas opcións de zapatos e sandalias para graduación, zapatos e sandalias para voda ou outros eventos, que podedes atopar tanto nas nosas tendas físicas como na nosa tenda online.