BOTAS MOU OUTONO INVERNO 2022

Hoxe desde Moksín queremos falarvos dunha das coleccións máis especiais que poderedes atopar nas nosas tendas este outono inverno 2022. Unha marca que ano tras ano sorpréndenos reinventándose e ofrecéndonos novos deseños con marabillosos acabados e cores.

Falamos de Mou, unha das marcas pioneiras na creación de botas e botíns de pelo natural. Foi a bota Mou Eskimo Inner Wedge a que coñecemos primeiro, dispoñible en dúas alturas de cana, coa súa inconfundible cuña interna de cinco centímetros e o seu cosido frontal realizado en la. Por fin unhas botas quentiñas, cómodas e cun pouco de tacón. Foron todo un éxito. Ata o día de hoxe pola nosa tenda pasaron infinidade de coleccións e modelos de botíns Mou sempre cunha gran expectación e aceptación detrás.

A verdade é que Mou superouse esta tempada, temos os modelos básicos, os que chamamos fondo de armario, en varias cores e alturas e ademais unha ampla selección dos modelos máis desexados desta tempada. Novas solas, novos deseños e novas cores que farán as delicias das máis trendies.

Antes de empezar coa presentación das botas e botíns Mou imos contestarvos a algunhas preguntas frecuentes sobre esta marca.

 - Cómo calzan as botas Mou?

 Depende do modelo, nas Mou Eskimo Inner Wedge recomendámosche comprar unha talla menos. Dos modelos MouFrench, Mou Eskimo 18, Mou Eskimo 40 e en todas as Sneaker, Trainer… recomendámosche comprar a túa talla habitual. Por suposto cada pé e cada bota son diferentes así que en caso de non acertar coa talla en Moksín ofrecémosche un primeiro cambio gratuíto. Se tes dúbidas, chámanos e asesorámosche.

- Pódense mollar as botas Mou?

Esta pregunta repítese de diferentes maneiras: aguantan a choiva as botas Mou? Este ano podemos atoparnos varios modelos con acabados acharoados e con solas gordas que son máis resistentes á choiva aínda que a verdade é que non teñen ningunha protección para a auga. Dependendo do acabado podes aplicar un spray para impermeabilizalas e aínda que se mollen un pouco non lles pasará nada. Iso si, evita poñelas en días de moita choiva.

- Cómo coido as miñas botas Mou?

Simplemente cepíllaas para quitar os restos de po e sucidade e límpaas cun pano húmido. Podes utilizar algún spray protector antes de empezar a usalas para protexelas de manchas e auga. Podes preguntar no teu zapateiro de confianza polo produto máis adecuado.

Se tes algunha pregunta sobre as botas Mou ponte en contacto connosco en info@moksin.com e responderémosche encantadas.

Cremos que as botas Mou son un bo agasallo de Nadal, son botas de calidade e moi útiles para os meses máis fríos. Se buscas un agasallo de Nadal orixinal e sorprendente, queda a lernos para descubrir a opción que máis che encaixe.

Queremos empezar esta presentación sobre as botas e botíns Mou que podes comprar en liña na nosa páxina web www.moksin.com facendo un breve repaso aos básicos. As botas Mou máis recoñecidas, as orixinais, as clásicas Mou Eskimo Inner Wedge.

A Mou Eskimo Inner Wedge Tall tende a cana alta á altura do nocello. Un corte moi favorecedor que poderás atopar en dúas cores: clásico negro e combinable topo con bordón gris.

A Mou Eskimo Inner Wedge Short é a irmá pequena de cana. Un dos modelos máis vendidos de Mou. Apaixónanos a cor metalizado, perfecto para estas datas e ademais do negro e o taupe (sen dúbida fondo de armario) destacamos a cor verde militar, unha novidade da tempada que queda precioso combinado con cores clariñas.

 

Qué opinades das Mou French Toe Wedge? É unha bota máis estreita na punta e na cana e a cuña mide uns sete centímetros. Nesta bota debes comprar a túa talla habitual. Parécenos un modelo máis elegante e arranxado.

Esta tempada podemos atopar varios modelos de Mou realizados en charol, un material que nos encanta xa que é moi fácil de limpar e ademais repele a auga.

Esta bota Mou French toe Wedge Tall realizada en charol cor beis é moi combinable, encántanos para vestidos longos.

Se es máis de cores escuras temos a bota French Toe Wedge short de cana baixa en cor negra e con acabado charol. A cor negra é un dos vosos favoritos á hora de escoller as vosas botas Mou, xa que combina con todo e é moi sufrido. Podes atopar a bota Mou French en acabado ante e en dúas alturas diferentes.

 

Por último pero non menos importante presentámosvos a bota Mou inner wedge front heart pacht. Unha marabilla de xoia Mou realizada en pel metalizada cun impresionante parche frontal feito de pedrería. O conxunto remátao o pelo estampado da parte superior. Sen dúbida unha bota feita para as máis atrevidas, as que lles gusta que se saiba que levan o mellor de Mou e ás que non lles importa que as paren pola rúa para preguntarlle polos seus zapatos ;)

 

Chegou a quenda das botas Mou sen cuña. O modelo Mou eskimo 18 é unha cucada, é de cana cortiña e queda moi bonito con calcetíns de lá. Dispoñible en tres cores: verde militar, gris antracita e topo. Un modelo básico e con estilo.

Subímonos moitos centímetros de cana ata chegar á Mou eskimo 40. Unha marabilla de bota de pelo quentiña e amorosa. Perfectas para mozas friorentas que non queren renunciar ao estilo. Unha aposta arriscada pero segura. Atopa os teus Mou eskimo 40 en cor negra, camel e gris na nosa páxina web.

Tamén con sola plana temos botas Mou realizadas en materiais novos e orixinais como as peles con brillo e as peles mates con textura, ademais do xa coñecido charol.

Atenta á combinación de cores e materiais desta bota Mou plana eskimo 24 cor block. A pá dianteira de pel mate branca contrasta co cosido negro. Encántanos a lá interior en cor gris, a xogo coa talonera de ante no mesmo cor.

Tamén en tres tons temos a bota Mou sen cuña Mou eskimo 24 cor block en tons pastel. Qué non dicides da pa rosa nacarado? Encántanos o vivo ao ton e o gris perlado da parte traseira. Se buscas unha bota Mou de cor clara esta parécenos unha excelente opción. Ideal cun plumífero branco longo. 

Nas botas planas Mou de charol podes elixir entre o branco e o negro. A bota Mou sen cuña eskimo 24 rhinestone logo destaca sen dúbida polo logo traseiro realizado con brillos prata. Unha bota de pelo con acabado luxoso.

Chegamos por fin a miña parte favorita: as Mou Sneaker, Mou Trainer, Mou Jogger... Mou adáptase ás tendencias sen perder chisco da súa esencia, podemos atopar desde hai varias tempadas solas deportivas nas súas coleccións e foi este outono inverno 2022 onde vos podemos ofrecer gran variedade de estilos e acabados.

Como xa sabedes as regras do estilo cambiaron, estamos nunha era na que todo vale e predomina a comodidade. É por iso que nos encanta que unha marca tan potente como Mou aposte por ofrecernos unha ampla variedade de botíns cómodos e quentiños pero estilosos nos que o deseño destaca. Estas solas deportivas permítennos camiñar todo o día, levando o pé ben abrigado perfectas para levar de viaxe nos meses máis fríos.

Empezamos cos botíns Mou eskimo trainer big metallic letter logo xa que teñen acabado acharoado e gústannos moito para estes meses de inverno. Dispoñibles en beis e en negro, destacamos o fantástico logo traseiro.

Por suposto tamén temos unha Mou eskimo trainer en cor verde metalizado. Un das cores da tempada.

 As Mou eskimo jogger presentan unha variación na sola pero manteñen a esencia deportiva das súas compañeiras.

Esta marabillosa Mou eskimo jogger limited edition está realizada en pel con acabado engurrado nun precioso ton nacarado que achega un toque de luxo. Este modelo de Mou é novidade esta tempada.

A bota Mou jogger snowboot short (novidade desta campaña) é como unha bota de neve. Os cordóns e a altura da cana lémbrannos a unha bota esquimal. A cor é ideal para levar con todo. O acabado achorolado achega un plus de luxo.

Un dos meus modelos favoritos é o Eskimo jogger ckpora realizado en pel brillante laranxa e negro. A cor é precioso e moi orixinal. Ideal se xa queres unhas botas Mou e queres arriscarche con algo máis especial. A sola negra e os bordados en laranxa son detalles crave deste modelo.

A bota Mou Eskimo Jogger Ckpblu non queda atrás. A cor azul Klein destaca sobre a negro noite. Simplemente marabillosas.

Outra novidade da tempada outono inverno 2022 é a bota Mou eskimo 18 bounce, que nos ofrece unha plataforma duns 4.5 cm e un acabado metalizado en cor laranxa e en cor bronce que nos namorou.

Non podemos deixar atrás este fantástico dúo de botíns Mou con sola deportiva.

A bota Mou eskimo sneaker bold nucog en cor camel é un básico. Combinable con todas as cores do teu armario e cun acabo en pel moi resistente.

Imprescible ter no teu armario un zapato con estampado animal. A bota mou eskimo sneaker bols smcht con animal print encántanos para un look total black.

Se o que buscas son Mou con plataforma para que che aisle ben do chan á vez que suma centímetros á túa altura o modelo chunky é o teu. Son botas negras de Mou con pelo contrastando co cosido branco e cunha potentísima sola gorda branca ou morada, a que máis che guste.

Fíxache no pelo morado da bota Mou chunky eskimo trainer bkpur, a xogo coa sola.

Se es do binomio black and white interésache a bota Mou eskimo sneaker bktau.

 

Non nos esquecemos doutra sola nova de Mou, unha impresionante plataforma que non pesa, cunha presenza brutal e que podemos atopar en dous modelos totalmente diferentes.

 A bota Mou eskimo snow boot twist short nucog é un dos novos modelos de Mou que non che podes perder, a pel camel é superresistente e a sola lixeira moi cómoda. Acompañada por suposto de pelo natural e rematadas cunha estética bota de neve.

O zueco mou eskimo clog twist nucog ten aires setenteiros e encántanos para levar sen calcetíns con pantalóns tobilleros. Dálle protagonismo a este maravillos zueco de pelo de Mou.

Os best sellers de Mou para esta tempada de outono inverno 2022 foron sen dúbida os zocos. Os zocos están a soar moi forte grazas a que é moi modelo moi cómodo e fácil de calzar e achega un estilo brutal a quen os leva. Estes zocos Mou son pezas únicas que definen á persoa que os leva como divertida e con moita personalidade.

 Non te perdas as últimas tallas destes zocos Mou verdes ou morados Winter bio slide long hair ponyskin con logo na parte frontal.

Se non che gusta o pelo e queres un zoco combinable cunha cor bonita e igual de cómodo temos o zoco mule Mou bio slide big letter logo en cor bronce. As cores metalizados combinan con todo e son moi estilosos.

Deixamos un pouco de cor para terminar este post con información sobre Mou cun modelo moi especial e cheo de alegría e bo rolo. O zoco Mou chunky clog with backstrap mixpu é unha delicia para os ollos. Perfectos para persoas alegres e que se visten de maneira colorida ou para persoas que buscan dar o toque final a un look sobrio. Sexas cal sexas asegurámosche que non pasarás desapercibida.

Recomendámosche que botes unha ollada a todos os modelos que temos de botas e botíns Mou na nosa web xa que temos máis modelos e cores e seguro que podes atopar algunha opción que che guste. Tanto se queres comprar Mou para ti ou queres comprar Mou para regalar lembra que na nosa web temos portes gratuítos para pedidos por encima de 50 euros na Península e o primeiro cambio é gratis.

Se o que queres é ver, tocar e probar Mou esperámosche nas nosas tendas na Estrada e en Santiago de Compostela.